Новости проекта
Внесение изменений в личные данные
Важная информация
Выставка "Образование и карьера 2020"
«Учитель для Беларуси»
Голосование
Как Вам наш сайт?
Всего 621 человек

ВІРТУАЛЬНЫ КАБІНЕТ БЕЛАРУСКАЙ МОВЫ І ЛІТАРАТУРЫ

Дата: 24 сентября 2015 в 12:30, Обновлено 15 мая 2019 в 11:15

 

План мерапрыемстваў ДУА “Сярэдняя школа № 1 г.Асповічы імя Б.М.Дзмітрыева” на 2019 год. 

ГОД МАЛОЙ РАДЗІМЫ

Месяц

Мерапрыемствы

студзезнь

Свята “Калядкі”

Алімпийскія гульні па беларускай мове “Ведай роднае слова!”

Конкурс мовазнаўца “Абяцанка – цацанка, а дурному – радасць” (прыказкі і прымаўкі)

Гульня – конкурс “За Беларусь”

люты

Сустрэча з беларускай пісьменніцай – паэткай Лёляй Багдановіч

Абрадавае свята “Масленіца”

Тыдзень беларускай мовы

Праект “Хараство беларускага нацыянальнага касцюма”

Віктарына “Мы – беларусы!”

Вандроўка па гарадах Беларусі

Вечар “Роднае слова!.. Як жыло ты з намі – будзеш вечна жыці, грамадой мільёнаў вечна гаманіці” (да Міжнароднага дня роднай мовы”)

Вусны часопіс “Ад прадзедаў спакон вякоў …)

сакавік

Віктарына знаўцаў беларускай мовы “Беларуская скарбонка”

Гульнёвая праграма “Беларускія гаспадынькі” ( да 8 Сакавіка)

Інсцэніроўка п’есы Янкі Купалы “Паўлінка”

КВіЗ “Фразеалагізмы”

красавік

Гульня “Пяць зорак – “Слова пра Беларусь””

Этнаграфічны турнір

Інтэлектуальная гульня “Дзеці новага пакалення”

Пазакласнае мерапрыемства “Бядой апаленае слова”, прысвечанае Чарнобыльскай трагедыі

май

Гасцёўня “Белая Русь мая”

Свята да 9 Мая “Партызанкай першай лічыцца зямля бясстрашнай Беларусі”

Квэст “Што? Дзе? Калі?”

Музычная вечарына “Зямля бацькоў – зямля святая”

верасень

Мерапрыемства “Па гісторыі святкавання Дня пісьменства”

Інфармацыйная гадзіна – віктарына “Беларусь мая сінявокая”

Конкурс чытальнікаў вершаў

Літаратурна-музычная кампазіцыя “Я дыханнем цябе абаўю”

кастрычнік

Гасцёўня “Голасам душы і сэрца”

Віктарына “Ушануем добрага беларускага казачніка”

Брэйн-рынг “Вясёлыя лінгвісты”

Дыскусія “Чаму беларусаў называюць бульбашамі”

лістапад

Ранішнік “Залатая восень”

Вясёлае свята па фальклорных матывах “З маленства ў блазноту”

Восеньскі кірмаш

Сустрэча з беларускай пісьменніцай – паэткай Тамарай Кавальчук

снежань

Конкурс беларускай песні

Этнаграфічны турнір

Наведванне музея Максіма Багдановіча

Вечарына “Новы год спяшаецца”

З 11 па 16 лютага ў школе праходзіць Тыдзень беларускай мовы і літаратуры

11 лютага вучням 5-х класаў быў прапанаваны праект "Хараство беларускага касцюма". Настаўніца беларускай мовы Тамара Іванаўна Максіменка паведаміла вучням пра асаблівасці нацыянальнага касцюма: арнамент, стыль, тэхніку крою. Мерапрыемства падалося вельмі цікавым і змястоўным.

12 лютага - культуралагічная віктарына 

"Беларуская скарбонка"

У віктарыне ўдзельнічалі дзве каманды 10-х класаў. Школьнікам неабходна было ўзнавіць старонкі гісторыі беларускага народа. З гэтай нагоды каманды вучняў разам за настаўніцай Святланай Віктараўнай Пашкевіч адправіліся ў незвычайнае, віртуальнае падарожжа па Беларусі. У дзяцей з'явілася магчымасць павандраваць па розных старонках культуры, гісторыі мовы Беларусі, а заадно і пабачыць, на колькі добра ўдзельнікі віктарыны ведаюць родную краіну. 

13 лютага - брэйн-рынг "Мы - беларусы!"

Вучні  6-х класаў вельмі актыўна ўдзельнічалі ў мерапрыемстве.  Настаўніца беларускай мовы Хмара Вольга Аляксандраўна прапанавала школьнікам віктарыну "Адкажы на пытанне", конкурс "Складзі прыказку", вучні нмалявалі сцяг, герб, расказалі, што сімвалізуюць колер, кветкі, сонца. Мерапрыемства падалося не толькі заімальным, але і вельмі павучальным.

14 лютага - кокурс чытальнікаў "Мой любімы верш"

Вучні 9-х класаў прапанавалі гледачам выразнае чытанне на памяць свае любімыя вершы беларускіх паэтаў. Дзеці пачулі санеты М.Багдановіча, урыўкі з паэм А.Міцкевіча, я.Купалы, вершы М.Танка, У.Караткевіча. Вось вынікі конкурса:

1 месца - Корж Элеанора

2 месца - Сырцова Валерыя

3 месца - Лукашонак Аляксандр

15 лютага - "Падарожжа ў мінулае"

Традыцыйна кожны год сярод 5-х класаў праходзіць гульня-свята "Падарожжа ў мінулае". Вучні разам з настаўніцай беларускай мовы Малыхінай Таццянай Леанідаўнай  далучыліся да гістарычнай спадчыны беларусаў, успомнілі асноўныя нацыянальныя святы, паразмаўлялі пра традыцыі землякоў. Уовгуле Тыдзень беларускай мовы можна лічыць вельмі плённым.


Тыдзень з 2 па 9 верасня быў прысвечаны 500-годдзю беларускай пісьменнасці.

     Вельмі запамінальнай падалася дзецям віртуальная экскурсія "500-годдзе беларускага друкавання". Школьнікам спачатку быў прапанаваны відэаролік пра дзейнасць кнігадрукара Францыска Скарыны. Затым вучні былі падзелены на дзве каманды (5-я і 6-я класы) для ўдзелу ў конкурсе, дзе адказвалі на пытанні па гісторыі і культуры Беларусі. Пераможцам стала каманда 5-х класаў. Усіх удзельнікаў конкурсу напрыканцы пачаставалі салодкімі прызамі.

№ п/п
Мерапрыемствы
Класы
Адказныя
Дата
1.
Віртуальная экскурсія “500-годдзе беларускага кнігадрукавання”
5-6
Малыхіна Т.Л.,
 Хмара В.А.
02.09.2017
2.
Кл. гадзіны “Мову родную шануйце”
3-4
Настаўнікі пач. класаў
04.09.2017
3.
Конкурс чытальнікаў “Галасы закаханых у родную паэзію”
8
Брызінская С.В.
05.09.2017
4.
Моўныя хвілінкі “Сказаў як звязаў” (беларускія фразеалагізмы, прыказкі, прымаўкі)
7
Малыхіна Т.Л.
06.09.2017
5.
Афармленне стэнда “Старонкі гісторыі беларускай пісьменнасці”
10-11
Максіменка Т.І., Малыхіна Т.Л.
07.09.2017
6.
 Вусны часопіс “Францыск
Скарына – духоўна-асветніцкі сімвал Беларусі”
9
Брызінская С.В.
08.09.2017
7.
Гульня-спаборніцтва “Скарбы роднай мовы”
6-7
Максіменка Т. І.
09.09.2017

.

КОНКУРС ЧЫТАЛЬНІКАЎ ТВОРАЎ ЯКУБА КОЛАСА "НАШЧАДКІ - ЯКУБУ КОЛАСУ"

13 кастрычніка сярод вучняў 3-8 класаў праводзіўся конкурс чытальнікаў вершаў Якуба Коласа, прысвечаны 135-годдзю з дня нараджэння паэта. Вельмі добра падрыхтаваліся дзеці пачатковых класаў. Журы адзначыла, што дзеці пранікліся не толькі сэнсам вершаў, але і часам, у які яны былі напісаны. Месцы былі размеркаваны наступным чынам:

1 - Свіслёнак Паліна, вучаніца 4-Б класа, верш "Маці"

2 - Гарбачова Ганна, вучаніца 3-В класа, верш "У школку"

3 - Вайцяшонак Ілья, вучань 8-В класа

https://www.youtube.com/watch?v=wU2DItrQOjM&feature=youtu.be

Падарожжа ў мінулае


У конкурсна – пазнавальным падарожжы 16 снежня 2017 года пабывалі вучні 6 –ых класаў разам з настаўнікамі беларускай мовы і літаратуры Таццянай Леанідаўнай Малыхінай і Тамарай Іванаўнай Максіменка. 4 каманды аматараў беларускай мовы спаборнічалі ў ведах па беларускай этнаграфіі, культуры, мове. Складалі прыказкі, прыдумвалі і малявалі арнаменты з нацыянальным каларытам, аднаўлялі па беларускай народнай песні “Ох, і сеяла Ульяніца лянок!” працэс вырабу льну, займаліся “дызайнам” сялянскай хаты… Але не ўсё ў іх бы атрымалася, калі б не настаўніцы, якія ўсё прадугледзелі: кожную хвілінку адпачынку знаёмілі падарожнікаў з рознымі старажытнымі прыладамі працы, побытавымі рэчамі, якімі некалі карысталіся нашы продкі. Гэтыя рэчы прысутнічалі тут жа на выставе. Вучням цікава было дакрануцца да нашай даўніны.

На жаль, хочацца заўважыць, што маўленне нашых падарожнікаў - аматараў беларускасці рэзала слых рускімі словамі… Але  спадзяемся, што такія мерапрыемствы дапамогуць ім назапашваць і нашы, беларускія!

Пераможцамі сталі вучні з 6 “Г” класа!

КАЛЯДЫ
Чым жа запамінальны студзень? А тым, што ў гэтым месяцы святкуюцца каляды. У нашай школе да іх вельмі адказна рыхтуюцца дзеці малодшых класаў. Калядаванне ўжо стала традыцыяй. Дзеці пераапранаюцца ў касцюмы жывёл, ходзяць па класах, спяваючы калядныя песні з пажаданнямі ўсяго лепшага. У падзяку за прыгожыя песні школьнікі атрымліваюць розныя прысмакі. Спадзяёмся, што гэта традыцыя будзе існаваць і далей.

            26 красавіка ў школе адбылася сустрэча з беларускай пісьменніцай Тамарай Кавальчук, перасяленкай з Чарнобыльскай зоны. Яна хвалююча расказала пра свой лёс і творчую дзейнасць. Пазнаёміла вучняў 8-х класаў са сваімі вершамі, прысвечанымі малой радзіме, сям'і, прыродзе. Дзецям падалася сустрэча карыснай і захапляльнай.

ГУЛЬНЯ-КОНКУРС "ПАДАРОЖЖА Ў МіНУЛАЕ"

У кастрычніку сярод 5-6 класаў адбылася гульня-конкурс "Падарожжа ў мінулае". Настаўнікі Малыхіна Таццяна Леанідаўна і Хмара Вольга Аляксандраўна разам з вучнямі 9-х класаў выступалі ў ролі журы. Конкурсныя заданні былі накіраваны на веды школьнікаў пра гісторыю Беларусі, лёсы пісьменнікаў і паэтаў. Асабліва вучням спадабаўся творчы конкурс, дзе дзецям неабходна было маляваць адгадкі на загадкі. У выніку пераможцамі сталі вучні 5-х класаў.

Квэст-гульня “Знаўца беларускай мовы і літаратуры”

Вось ужо стала добрай традыцыяй кожны месяц праводзіць у школе мерапрыемствы, прысвечаныя якому-небудзь святу. Але ў лістападзе па жаданні вучняў 8-х класаў настаўнікі Хмара Вольга Аляксандраўна і Малыхіна Таццяна Леанідаўна правялі Квэст-гульню “Знаўца беларускай мовы і літаратуры”.

Ад кожнага класа была прадстаўлена каманда з шасці чалавек. Вучням былі прапанаваны наступныя заданні: пазнаць па партрэтах  пісьменнка і назваць іх даты жыцця; падабраць да запазычаных слоў беларускія адпаведнікі; перакласці на беларускую мову спалучэнні слоў і іншыя, даволі складаныя, але цікавыя заданні. Школьнікам вельмі спадабалася гульня, яна сапраўды была не толькі займальнай, але і вельмі карыснай.

Вынік:

1 месца - каманда 8-В класа

2 месца - каманда 8-А класа

3 месца - каманда 8-Г класа

                                                      Вось і прыйшлі КАЛЯДЫ

"Прынеслі Каляды – зімовыя святы. Прынеслі забавы, і жарты. Загадкі, і гульні, і танцы і песні. Не спі, пані скрыпка, і бубен прачніся, калядныя святы ў нас пачаліся". Менавіта такімі словамі пачыналіся калядныя забавы ў   нашай школе.  Калядоўшчыкі - гэта вучні малодшых класаў.  Дзецям вельмі падабаецца ўсіх адорваць увагай, добрымі пажаданнямі, віншаваць са святам і прыносіць кавалачак радасці кожнаму чалавеку. Менавіта, дзякуючы гэтай добрай традыцыі, у настаўнікаў і захоўваецца добры настрой на працягу ўсіх зімовых канікул.
 

12 красавіка ў актавай зале адбылася сустрэча з беларускай паэткай, пісьменніцай Лёляй Багдановіч

Сапраўды, кожны раз сустрэча з гэтай незвычайнай жанчынай становіцца для дзяцей сапраўдным святам. Для школьнікаў 5-6-х класаў прагучалі ў выкананні Лёлі Багдановіч не толькі вершы, але і песні, і казкі. Мерапрыемства было вельмі цікавае і запамінальнае. Мы яшчэ раз упэўніліся, што творы нашай зямлячкі вучаць не толькі дабрыні, сумленнасці, шчырасці, але героі яе казак, вершаў заўсёды дапамагаюць знайсці выхад з цяжкага становішча.

11 мая вучнямі 8-х і 6-х класаў у актавай зале была прадстаўлена п’еса “Паўлінка”.

Гледачы былі ўражаны гульнёй акцёраў, і таму пасля прагляду спектакля ў якасці ўзнагароды вучні атрымалі бурныя апладысменты.

Ролі выконвалі:

Сцяпан Крыніцкі – Янчук Ігнат

Альжбета (яго жонка) – Вяргун Аляксандра

Паўлінка – Патапейка Елізавета

Пранцісь Пустарэвіч – Гайсенка Уладзіслаў

Агата (яго жонка)-  Навіцкая Анастасія

Якім Сарока – Аксёнаў Мікіта

Адольф Быкоўскі – Багдановіч Уладзіслаў

Комментарии:
Оставлять комментарии могут только авторизованные посетители.